Gugma

By : Clint Jorge D. Dejito and Angelie D. Barbon

Pahiyom nga ngisi ang una kong nakita

Gakislap imong mga mata daw murag tala

Di koni makalimtan ning higayona

Ning higayonang nag abot atong mga mata

Sa pagkuyog ko kanimo imo kung ge giyahan

Gitambagan, gitudloan wala biyaig giampingan

Gitudloan mo ako nga mag pahiubsanon

Gihigugma mo ako sama sa isa ka igsoun

Isa ka adlaw ako nahibulong natinga

Ikaw nagkadugo nag pas-an og kahoy nga pagka bug-ata

Tiil mong way saplot, gabaklay asa ka padung?

Daw bukid daw sa kalbaryo imong distinasyon

Giantos mo ang mahait nga korona sa imong agtang

Ang pagdukduk daw sa ga tag-as og gatudlo nga mga lansang

Apan pwede ka monaog kay ikaw gamhanan

Ug diay gipakita mo sa ako ang gugma sa isa ka amahan